اخر مواضيع المنتدى

النتائج 1 إلى 7 من 7

الموضوع: من اين لك هذا الحلقة الثانية: أبو خالد نائم في بركس الحديد - الحلقة الثانية

  1. #1
    تاريخ التسجيل
    Jun 2013
    المشاركات
    369
    معدل تقييم المستوى
    37

    افتراضي من اين لك هذا الحلقة الثانية: أبو خالد نائم في بركس الحديد - الحلقة الثانية

    بسم الله الرحمن الرحيم
    منتدى مخيم نهر البارد و البداوي الحواري
    السبت الموافق 13-7-2013

    مسلسل من اين لك هذا (الحلقه التانيه)
    ابو خالد:و لك بسرعه حطي علي لحرام و أعملي زي ما قلتلك بسرعه,......

    هنا يدخل شابان من أحدى المؤسسات :
    ام خالد:اهلا وسهلا اهلا و سهلا تفظلوا اقعدوا على الارض يا خالتي ما في كراسي, ذهب احد الشباب ليجلس على حامل الفراش ,هنا ارتفع ظغط ابو خالد
    ام خالد:له له له يا خالتي اقعد على الارض ما تقعد عندك هاض مطوى فراش .ملان كلو دبابيس لتتنغوز يا خالتي,
    الموظف:يا خالتي احنا بدنا نسجل اسمك و اسم عيلتك,و كم ولد عندك,
    ام خالد:اخخخخخخخخخخخ يا خالتي عندي عيلي بتكسر الضهر,و عمك ابو خالد حبيبي قلبك مريض,
    ابو خالد من تحت الحرام بصوت منخفض غير مسموع::بحكي مع حالوا شو هالمره بتفاول عليي بدها تقتلني,
    الموظف: يهمس بأدن رفيقه ,و يقول له اول مره بحياتي بشوف مطوى فراش بتنفس, قوم لنهرب على بكير,اذا مطوى لفراش بتنفس ,كيف لخزانه,
    ام خالد: مالك يا خالتي مستعجل انا و امك زي الخوات ,و لو يما حملتك و انت صغير, و تقترب من أبنها خالد و تقول له بصوت منخفض ابن مين هاض يما!!!
    خالد: على أساس حامليتوا و هو صغير,
    ام خالد:اسكت يا قابر ابوك( مخمك ) زي الي خلفك,
    الموضف:يلى يا خالتي اعطينا لوراق في عنا شغل,
    ام خالد:مش توخد لوراق و ما يطولنا اشي,شفت كيف عايشين و اديش و ضعنا صعب,
    و طلعوا الشباب .
    ابو خالد:نفض ابو خالد لحرام,شفتي انصح واحد بدوا يقعد علي كان معمسني,
    ام خالد:مهههههههههه مهههههههههه يا ريت قعد عليك و قطعلك نفسك ,كنا أخدنا تعويض.
    ابو خالد: ليكي عم بتزوديها ,شو بطلت انفع اسا !!!!؟؟؟؟, أكلتيني عظم و رمتيني لحم,
    خالد:مالك يابا بلشت تخربط,مش هيك المثل,
    ابو خالد:هو أمك خلت فيني عقل,
    ام خالد: قوم يا زلمي جبلنا طبخا ,بدنا نطبخ,
    ابوخالد:خلص اليوم أطبخي من حواظر البيت,
    ام خالد:ولك يا زلمي قد ما اكلنا من حواظر البيت ,ما ظل غير الحنفيات,
    يا زلمي لولاد نفسهن يوكلوا لحمي مشويه,
    ابوخالد: هي هي هي هي هي بلشت تضرب عالغميق,منين اجبلك لحمه مشويه ,ليش مالها المجدره من شو بتشكي؟؟
    ام خالد:ولك ازهقنا المجدره و العدس و الفصوليا, ((بدنا نغمس)) .
    ابو خالد:طيب يا مره كلوا مجدره , و ظرعوا لحمه,
    ام خالد:يا زلمي شو الحكي !!!!!
    ابو خالد: اسا بطلت تعجبك المجدره, يرحم أيام أهلك ,كانوا يلفوا المنقوشه برغيف,
    ام خالد:شو بتمتم سمعني ,روح شوف غيرنا كيف عايش؟؟
    هنا ينتفض ابو خالد من هذا الكلام, و في الحلقه القادمه ماذا سيكون رد ابو خالد و الدموع تنهال على خده ...........
    ستبقى نهرنا الصامد
    ستبقى نهرنا الخالد
    ستبقى نهرنا البارد

  2. #2
    تاريخ التسجيل
    Nov 2010
    المشاركات
    2,324
    معدل تقييم المستوى
    233

    افتراضي

    بسم الله الرحمن الرحيم والصلاة والسلام على سيد الخلق وإمام المرسلين.
    وبعدُ:
    بارك الله بكم حاج أبو محمود ،حياك الله ،نوّرت المنتدى والله .
    تحياتي لآل عوض فردا فردا.
    ستبقى نهرنا الصامد
    ستبقى نهرنا الخالد
    ستبقى نهرنا البارد

  3. #3
    تاريخ التسجيل
    Apr 2008
    المشاركات
    2,419
    معدل تقييم المستوى
    242

    افتراضي

    حياك الله ابو السلم ماعاد يعجبهم المجدرة بدهم اكل جاهز بهالايام بدهم كل شي على الجاهز الله يرحم ايام قدر المي والببور
    ستبقى نهرنا الصامد
    ستبقى نهرنا الخالد
    ستبقى نهرنا البارد

  4. #4
    تاريخ التسجيل
    May 2011
    المشاركات
    8,627
    معدل تقييم المستوى
    863

    افتراضي

    الله يعينك يا ام خالد
    لك الاحترام والتقدير لهذا السرد الجميل
    اختكم

  5. #5
    تاريخ التسجيل
    Oct 2010
    الدولة
    lebanon
    المشاركات
    3,686
    معدل تقييم المستوى
    369

    افتراضي

    بوركت أخونا الكريم.

  6. #6
    تاريخ التسجيل
    Jun 2011
    المشاركات
    48
    معدل تقييم المستوى
    5

    افتراضي

    دخيلك يا حاج سالم لا تطول علينا، يلا عجّلك شوي ياخي
    ستبقى نهرنا الصامد
    ستبقى نهرنا الخالد
    ستبقى نهرنا البارد

  7. #7
    تاريخ التسجيل
    May 2011
    المشاركات
    8,627
    معدل تقييم المستوى
    863

    افتراضي

    وين الحلقات التالية
    بانتظارك اعتصام من الاعضاء بالموضوع الى حين دخولك ومتابعته
    مع التحية اخونا
    اختكم

المواضيع المتشابهه

  1. ¤ô§ô¤ في ظِـلال آيـَة ¤ô§ô¤
    بواسطة ابنة فلسطين في المنتدى الخيمة الاسلامية العامة
    مشاركات: 65
    آخر مشاركة: 12-10-2012, 09:52 AM
  2. صورة نادر لسيدنا محمد (مرسومة)
    بواسطة ابـو نـديـم في المنتدى الخيمة الاسلامية العامة
    مشاركات: 19
    آخر مشاركة: 04-06-2012, 01:55 AM
  3. 30/3/ يوم النضال من اجل الارض
    بواسطة جورج في المنتدى الخيمة العامة / اخترنا لكم
    مشاركات: 0
    آخر مشاركة: 26-03-2009, 04:28 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •