اخر مواضيع المنتدى

النتائج 1 إلى 8 من 8

الموضوع: من اين لك هذا (االحلقه السابعه)))

  1. #1
    تاريخ التسجيل
    Jun 2013
    المشاركات
    369
    معدل تقييم المستوى
    37

    افتراضي من اين لك هذا (االحلقه السابعه)))

    بسم الله الرحمن الرحيم
    منتدى نهر البارد والبداوي الحواري
    الموافق يوم السبت20 -7-2013
    ذهب ابو خالد مع ابو العبد معا
    ابو خالد :وين بدنا نروح ؟؟
    ابو العبد:تع لنروح (نتسحسل على السحسيله) يلي عالنهر و نذكر أيام زمان ,
    ابو خالد: ههههههههههههه هههههههه ,بتزكر يا ابو العبد لما كنا صغار ؟ لما رحنا نكزدر على النهر جيت بدك تسرق حبت لمون من البستان ,ما مديت ايدك ولا الزلمي من جوا ,مسكك من ايدك و قلك و عليكم السلام اهلا و سهلا قمت درت تتزعفل و تصيح ,وأنا تركتك و هربت ,
    ابو العبد:يا زلمي ما بتنسا شي؟؟ بس و الله كانت أيام حلوه ,خلصنا اسا وين بدك تروح ,
    ابو خالد:و الله ما عارف وين بدنا نروح ,
    ابو العبد:امشي نروح على طرابلس ,
    ابو خالد :يا زلمي انت عارف ما في مصاري
    ابو العبد: ما تهكل هم ,وقفوا سياره و ركبوا فيها ,
    السائق:اهلا و سهلا عمي ابو خالد و ابو العبد الله يرحم الحجه ,لوين رايحين,ابو العبد خدنا على طرابلس ,في نص الطريق ,بطول ابو العبد مصاري ليدفع للشفير ,السائق:خليها علينا ,
    ابو العبد:تسلم يا خالي تسلم ,كل الطريق السائق يشحط فريم ,و بعيدي السياره عنو مسافه 10 امتار
    السائق:انا عارف اليوم هدا اول طلب بعدنا ما ستفتحناش و يتمتم,
    ابو خالد:يلا يا زلمي عطيه الاجار راح يقتلنا ,
    ابوالعبد:يدفع الاجار
    السائق:من الاول يا زلمي هو انت ما بتتحمل مزح ,ينزل ابو خالد و ابو العبد,و تتبعهم سياره فخمه ,
    ابو العبد:ولك يا زلمي هالسياره حيلا متابعيتنا ,لتقوم تخطفنا,
    ابو خالد:يا شايل هالهم ,من قبه صاحبو ,و تقترب السياره اكثر و اكثر ,
    سائق السياره الفخمه:ينادي عمي ابو خالد ابو العبد ,السلام عليك ,و لو ما عرفتو مين أنا ؟؟
    ابو خالد:و الله العتم على النظر يا عمي ,أحنا اكثر شي بنعرف شفريت القطش,
    الشاب :و لو انا وسام ,
    ابو خالد:له له له يا زلمي ولو شو عملك هالقدي نصحان كثير,كنت مقرقد تقرقد ,كنت علاحت مثل الفزاعه الي بخوفو فيها العصافير ,,, يا سلام يا سلام ,شو ما شاءالله صايرلك رفافيف و لغاليغ البركه ,يا زلمه مش مصدق عيوني زي لموصلينك واحد ثاني ,
    ابو العبد:يحضنه و يبدأ بالتبويس عن جنب و ميل اهلن حبيب البي بالغالي ابن الغالي ,
    وسام:حولو حولو اطلعو معي ,
    ابو خالد:لاكن بدنا درج لنطلع لعندك قد مالسياره عاليه تعال يا ابو العبد (زمني)
    ابو العبد:يلا اطلع لنركب,ابو خالد و ابو العبد يطلعان الى السياره
    ابو خالد:يكلم نفسه ,يا خراب البيت اذا حدا صورنا و شافتها ام خالد,
    وسام:كيفكو وكيف الصحه ؟ طمني عمي ابو خالد كيف الحجه؟
    ابو خالد:و الله الحجه اعطتك عمرها ,
    وسام:له له شو هالخبر المزعج كانت صحتها مليحه ,الله يرحمها كانت ام الكل ياما اكلنا و شربنا من تحت اديها,و الله انك اصيل بعدك مزكر ,مع انو 5 سنين ما شفناك ,طمنا شو اخبارك انت و الشغل ,
    وسام:هياني موظف بمؤسسه بتساعد النازحين بنهر البارد ,
    ابو العبد:ما شاءالله معاشها مليح كنك راكب هيك سياره ,
    وسام:يعني شو بدنا نساوي روحو لعزمكو على فنجان قهوه ,و هم جالسون بالقهوه ,وسام شايفك تعبان يا عمي ابو خالد ,
    ابو العبد:عمك ابو خالد ما زي زمان ,و ضعو المادي كثير سيء ,فيدس و سام مبلغ من المال في جيب ابو خالد ,
    ابو خالد:له له يا زلمي ما بقبل ابدا ابدا ,
    وسام:خيرك سابق يا عمي ابو خالد و لو احنا ما بننسى المليح يلي كنت تعملو معنا ياما كنت تعطينا
    ابو خالد:يا عمي ما بلاااااش ,قديش هدول يا عمي دخلك؟ خلص قد ما يكونو ملاح
    ابو العبد:يلا يا زلمي حدا بقول للرزق لاء ,
    وسام:يلا بدكو شي بس انشالله الي لقاء تاني معكو
    ابو خالد:معو مصاري يشتري اصناف من الاكل ,و حب يبيض وجه مع ام خالد و اشترالها قنينه ريحه ,و يدهبان الى البيت
    و ابو خالد محمل بالاكياس ,تعالو ساعدوني احملو ,
    ام خالد:شو ما شالله شو هلكياس كلها ؟
    ابو خالد:و هاي كمان قنينه ريحا مني الك
    ام خالد :يا خراب البيت اكيد عاملك مصيبه,جبتلي قنينه ريحا ابصر شو عامل, يي يي يي يييي ,ابصر شو عامل
    وفي الحلقه القادمه سنعرف ما وراء قنينه الريحه و شو قصتها يتبع..........


    ستبقى نهرنا الصامد
    ستبقى نهرنا الخالد
    ستبقى نهرنا البارد

  2. #2
    تاريخ التسجيل
    Nov 2012
    المشاركات
    5,509
    Blog Entries
    1
    معدل تقييم المستوى
    551

    افتراضي

    حلقه جميله
    بدنا نعرف شو سبب قنينة العطر وقصتها
    وسام كان مقرقد تقرقد ونصح شكله أبو من صفوريه وفتحله محل مطعم جديد .....ح+...ف...صحتين على قلبه
    إلى حلقة أخرى نستودعكم الله
    إلى القاء مع أخونا الحاج سالم عوض
    الحلقه الثامنه
    تحياتي
    [BIMG]http://www.tt5.com/files/2010/08/makkah-clock-ramadan-saudi-arabia-pictures-1.jpg[/BIMG]

  3. #3
    تاريخ التسجيل
    Oct 2007
    المشاركات
    7,240
    معدل تقييم المستوى
    725

    افتراضي

    جاري الانتظار
    تحياتي لكم

  4. #4
    تاريخ التسجيل
    Nov 2010
    المشاركات
    2,324
    معدل تقييم المستوى
    233

    افتراضي

    بسم الله الرحمن الرحيم والصلاة والسلام على سيد الخلق وإمام المرسلين .
    وبعدُ:
    ما شاء الله ،أنا شايف إنّو الحاج سالم بعدو بالغارات الوهمية.
    مزيدًا من التشويق.
    ستبقى نهرنا الصامد
    ستبقى نهرنا الخالد
    ستبقى نهرنا البارد

  5. #5
    تاريخ التسجيل
    May 2011
    المشاركات
    8,621
    معدل تقييم المستوى
    863

    افتراضي

    بالفعل ماشالله عليه
    مسلسل اجمل من مسلسلات رمضان
    حفظكم الله ورعاكم
    متابعون ان شاء الله
    اختكم

  6. #6
    تاريخ التسجيل
    Feb 2008
    المشاركات
    17
    معدل تقييم المستوى
    0

    افتراضي

    عنجد مسلسل حلووووووو .......
    التمسنا الصدق والواقعيه من خلاله.
    نتمنى لك المزيد من التألق.
    ملتقى مخيم نهر البارد
    وطن يسكن الروح ..

  7. #7
    تاريخ التسجيل
    Aug 2011
    المشاركات
    2,391
    معدل تقييم المستوى
    240

    افتراضي

    مشكوووووووووووووووووووور



  8. #8
    تاريخ التسجيل
    Nov 2009
    المشاركات
    2,780
    معدل تقييم المستوى
    279

    افتراضي

    رائع جدا والى المزيد من التقدم
    جميل ان نتكلم عن واقعنا المرير بطريقة سردية
    واللذي يزيد جمال المسلسل ان هناك دراما وكوميديا
    في نفس الوقت
    تحياتي لك حاج سالم وننتظر المزيد من ابداعاتك

    ستعود لشعبك يا نهر البارد وسنكون كلنا سعداء صغارا كبارا فقراء اغنياء

المواضيع المتشابهه

  1. ملف شامل عن خلطات البشرة واليدين والشعر
    بواسطة فتح وهبة في المنتدى العيــــادة
    مشاركات: 1
    آخر مشاركة: 27-08-2012, 07:36 AM
  2. قانون العودة الإسرائيلي: تقويم لدوافعه وجذوره التاريخية
    بواسطة رامي عثمان في المنتدى شؤون ودراسات فلسطينية
    مشاركات: 1
    آخر مشاركة: 05-05-2010, 09:48 PM
  3. ملف: سيد المرسلين محمد صلى الله عليه وسلم
    بواسطة جورج في المنتدى الخيمة الاسلامية العامة
    مشاركات: 9
    آخر مشاركة: 27-03-2009, 07:54 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •