اخر مواضيع المنتدى

النتائج 1 إلى 8 من 8

الموضوع: من اين لك هذا (الحلقه الحاديه عشر)))

  1. #1
    تاريخ التسجيل
    Jun 2013
    المشاركات
    369
    معدل تقييم المستوى
    37

    Oo5o.com (11) من اين لك هذا (الحلقه الحاديه عشر)))

    بسم الله الرحمن الرحيم
    منتدى مخيم نهر البارد والبداوي الحواري
    الموافق الاحد-28-7-2013
    وسام:استقبل ابو خالد اهلا وسهلا ابو العبد شو عمي ابو خالد منور ما شاء الله شباب ,و موجه كلامه لاحد الحظور ,شفت أحنا بنعالج الوضع النفسي شفت كيف كانت نفسيت ابو خالد ,و كيف صارت فرقت كثير
    ابو خالد:شو خير يا وسام ليش هالاجتماع ؟ ليش انا وابو العبد لحانا ؟ ليش ما عزمت الكل؟
    وسام:انتو و ابو العبد ممثلين بالجميع و بدنا نحكي بهدا اللقاء عن المساعدات الي قدمناها
    ابو العبد: أحنا خيا جاهزين شو ما تقولو موافقين ,شدد خيا بالتصوير على لكرافه ,شيخ شباب ابو خالد
    ابو خالد:يكلم نفسه, و اخرته معك يا ابو خالد ,لوين بدنا نوصل ,اسا بنعرف ليش انا و ابو العبد معزومين؟
    و بقول نفسيتو تحسنت ,يعني الطقم و لكرافه هني الي بحسنو النفسيه؟,!! ااااخ لو بعرف مادا في القلب ,,
    ابو العبد:شو مالك يا ابو خالد صافن ؟. دير بالك ما بدنا نعك ,
    ابو خالد:لا يا ابو العبد لكرافه خانقيتني ,بعدين مالك نالك لزقت علي طول بالك لنعرف شو في ؟؟
    وسام:يصعد لالقاء كلمته و الجميع يبدأ بالتصفيق ,
    ابو العبد: ولك يا ابو خالد زقف مالك شوف وسام عينو عليك ,
    ابو خالد:اديي خضرانه ,ليك كمان كلمه بخنقك بلكرافه و بقوم أروح
    و من هون ابو خالد بدأ يشعر بأن شيئا ما غير راضي عنه
    وسام:ايها الحظور الكريم اهلا و سهلا بكم فردا فردا ,نلتقي اليوم لنقول ما قدمنا لاهلنا من مساعدات و كم انا ساهمت بكل مجهودي لايصال هده المساعدات النقديه و العينيه ,و من خلال هده المساعدات ,جلبنا السعاده و السرور ,
    لابناء المخيم و اسمحو لي ان اقدم لكم اثنان من ممثلين عن الاهالي هم ابو خالد و ابو العبد ,و حابين نسمع كلمه من العبد و بعدين كلمه من ابو خالد ,تفضل يا ابو العبد شو في عندك تفضل.
    ابو العبد: شكرا خيا بارك الله فيك كفيت و وفيت خيا ما شالله عليك طمرتنا بمعروفك .
    وسام:تفضل يا ابو خالد سمعنا صوتك ؟؟؟ و يهمس بأدنه ما بدي اوصيك !!!
    ابو خالد:شو بدي احكي يا اخوان ؟ أنا مش ممكن اكون شاهد زوور أحنا ما شفنا من الجمل الا دانه ,وين المساعدات النقديه و العينيه الي حكى عليها الاخ و سام ,روحو على البركسات و اسألو في من هالحكي و شوفو الناس كيف عايشي من قله الموت ,و الناس بتفافي مفافاه من الشوب ,بتحس حالك يا زلمي في افريقيا قد ما في شوب ,
    بلكي مفكرين انو انا الطقم و لكرافه بدهن يغيرو موقفي
    ابو العبد:بشد بساكو ابو خالد ,مالك بلشت تشتت شو مالك
    ابو خالد:يصرخ شو مالك ولا بتشد بالساكو ,شو مالك بدك ياني احكي انو الغلط صح ,و هون ابو خالد شلح الساكو لكرافه و بلش حكي المفتوح اسمع يا و سام انشالله جبتلي كم كيس منفوخ و طقم وقرشين بدك تشتري مبادئي
    و قيمي ,و تنازل عن حقوق شعبي و أشهد زوور ,لااااااااااا وين رايح يا و سام بدك تركب سيارات مكيفه و تلعب بالمصاري على حسابنا ,لاء لاء لاء أنا ما بشهد زوور و بشهد بالباطل و يخرج من القاعه و يترك الطقم على الطاوله ,
    يلحقه ابو العبد ولك يا زلمي شو عملت وين رايح ,عاجبيتك هالعيشه الي احنا عايشينا ,كان و سام محضرلنا شوي مساعدات و مصاري هيك خربت عليني خليك ظلك فقير يا مشحر و شحرتني معك ,شو الي خلاك تغير رأيك ؟؟؟
    مالك فجأه قلبت ,لتكون لكرافه مشدوده كتير على رقبتك قلي كنت فكيتلك اياه ,
    ابو خالد:ليك يا ابو العبد و انا طالع احكي كلمه اجى ببالي كلمه حكالي اياها ابني خالد انو احنا مهما نعاني من ضيق و قهر و قله و جوع ,نعتبر صفر قدام الاسرى في سجون الاحتلال الاسرائيلي الغاصب, رغم هيك
    ظلو محافظين على مواقفهن و مبادئهن ,و عبرو عن رفضهم للاحتلال بكل و سائل المتاحه لالهن حتى منعو نفسهن عن الطعام و لا نسيييييييييت يا ابو العبد لما كنا قاعدين نتابع هذه المأساه على التلفزيون 24 على 24 و كنت تقلي و الله يا ابو خالد احنا عايشين بألف نعمه مالك غيرت مواقفك بأكم كيس شو ماااااااالك نسيت؟؟؟؟؟؟؟؟
    ابو خالد:فك عني الهيئه يا ابو العبد تغيرت بدك تضل هون ضل بس انا مروح يا خساره عليك ,
    ابو العبد:طول بالك يا زلمي خلص ما انا عارف خلص ركبت البسن الاعوج انا بغدرك لاكن خليني مستور احسن ما تعزر علي دخلك هياني مروح معك و يتمتم ابو العبد ضاعت المساعدات ,
    و يدخل ابو خالد:الى بيته بدون الساكوا و لكرافه
    ام خالد:يا خراب البيت شو ين شلحت الطقم ؟ وين أخدك غراب البين ابو العبد مهو ما في من وراه الي وجع الراس,
    و في الحلقه القادمه و الاخيره سنتابع مادا سيرد ابو خالد على ام خالد ليش شلح الطقم ؟ ووين؟ .......


    ستبقى نهرنا الصامد
    ستبقى نهرنا الخالد
    ستبقى نهرنا البارد

  2. #2
    تاريخ التسجيل
    Oct 2007
    المشاركات
    7,240
    معدل تقييم المستوى
    725

    افتراضي

    تحيه لابو خالد على هذا الموقف
    وياريت كلنا نكون هيك

    بوركتم يا حاج بانتظار الحلقه الاخيره

  3. #3
    تاريخ التسجيل
    Apr 2008
    المشاركات
    2,419
    معدل تقييم المستوى
    242

    افتراضي

    اصيل يا ابو خالد يمكن بعد في عنا امثال ابو خالد كثر بانتظار المزيد ابو محمود
    ستبقى نهرنا الصامد
    ستبقى نهرنا الخالد
    ستبقى نهرنا البارد

  4. #4
    تاريخ التسجيل
    Nov 2012
    المشاركات
    5,513
    Blog Entries
    1
    معدل تقييم المستوى
    552

    افتراضي

    بوركتم يا حاج سالم
    كفيت وفيت
    تحياتي
    [BIMG]http://www.tt5.com/files/2010/08/makkah-clock-ramadan-saudi-arabia-pictures-1.jpg[/BIMG]

  5. #5
    تاريخ التسجيل
    May 2011
    المشاركات
    316
    معدل تقييم المستوى
    32

    افتراضي

    ألف تحية لأبو خالد وترليون تحية للحاج سالم.
    يعني يا حاج الشغلة صار بدها تمثيلية.
    ستبقى نهرنا الصامد
    ستبقى نهرنا الخالد
    ستبقى نهرنا البارد

  6. #6
    تاريخ التسجيل
    May 2011
    المشاركات
    8,627
    معدل تقييم المستوى
    863

    افتراضي

    والله يا حاج انا بتعجبني ام خالد
    الناس وين وهي وين بالها
    محافظة على ابو خالد
    يلا ام خالد ناطرين نعرف وين ترك الجاكيت والكرافي على قولت ابو خالد الساكوا يرحم ستي
    لك الاحترام لهذه البسمات الرائعة في شدة الحر والعطش
    اختكم

  7. #7
    تاريخ التسجيل
    Aug 2008
    المشاركات
    1,347
    معدل تقييم المستوى
    135

    افتراضي

    تعالي نطلب بشكل واضع اعظاء المنتدى يطالبون الحج سالم بعمل مسرحي على الارض
    ستبقى نهرنا الصامد
    ستبقى نهرنا الخالد
    ستبقى نهرنا البارد

  8. #8
    تاريخ التسجيل
    Oct 2007
    الدولة
    pals
    المشاركات
    431
    معدل تقييم المستوى
    44

    افتراضي

    الــحريــة لـلـرفـيـق احــمــد ســعــدات
    شعب محاصر في غزة وشعب محاصر في البارد(لك الله يا شعب فلسطين)
    قـاومـتَ لـتُـحـرِرَ دمـَك مـن عـنـابـِرِِ الـزيـت، وفـَََمـك مـن مـخـازنِ الـسـكر
    وعـظـامـَك مـن مـقـاعـدِ الـبـكـوات و أمـراء الـدواويـن

المواضيع المتشابهه

  1. ملف يحتوي على طرق متعدده لتقطيع الخضروات و الفاكهه
    بواسطة فتح وهبة في المنتدى مطبخ المخيم
    مشاركات: 4
    آخر مشاركة: 14-10-2012, 12:41 PM
  2. الخبيث المرتد سامر الحاج
    بواسطة ABU EMAD في المنتدى مخيمي نهر البارد والبداوي والجوار اللبناني: أخبار / مقالات وشؤون
    مشاركات: 92
    آخر مشاركة: 01-03-2012, 03:11 PM
  3. لا اتزوج فتاه تكتب في المنتديات (موضوع للحوار)
    بواسطة وديع في المنتدى الخيمة الحوارية
    مشاركات: 30
    آخر مشاركة: 17-03-2011, 06:15 PM
  4. صيانة جهازك من الألف إلى الياء
    بواسطة manmo_maw في المنتدى خيمة البرامج
    مشاركات: 11
    آخر مشاركة: 10-01-2010, 01:41 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •