بسم الله الرحمن الرحيم
أبو علاء:السلام عليكم عمي أبو جهاد،كيف صحتك طمّني عنّك ؟؟!!!
أبو جهاد : أهليين أبو علاء يا 100 مرحبا وكمان مرحبا !!! تفضّل اقعووود!!!!
أبو علاء :لا والله مستعجل ،بس حبيت أتشكّرك وكمان بطريقك أوصل سلاماتي وتشكّراتي لسيادة الرئيس أبو مازن !!!!
أبو جهاد :الله يستر !!! أكيد في من ورا كلامك ألغاز !!! شِنّو هاي أول مرّة بحياتي بسمع هيك حكي من عامّة الناس !!!!
أبو علاء : له يا أبو جهاد لهْ !!! ليش ما شفت من حوالي أسبوعين كيف الأخوة اللبنانيين فاتوا على مخيّم نهر البارد ملهوفين ومنبهرين!!!!
أبو جهاد : إي وشو خص الإخوة اللبنانيين بأبو مازن ؟؟؟!!! توّهتنا يا زلمي !!! إنت لوين بدّك توصل يا أبو علاء ؟؟؟! هات من الآخر وخلّصني منّك !!!!
أبو علاء : شو صايرلك يا أبو جهاد ؟؟؟!!! ليش ما عرفت إنّو الإخوة اللبنانيين إجوا عالمخيم لحتّى يشوفوا المستشفى وفرن الخبز الأوتوماتيكي وملعب الشهداء الخمسة اللي أهداهم أبو مازن لشعب نهر البارد ؟؟؟!!!
أبو مازن : هؤ هؤ هؤ هؤ .... الله عليك يا أبو علاء !!!! ولك يا زلمي إنت لهالدّرجة مخلوع !!!! الحكي ببلاش يا أبو علاء الله يرضى عليك خلّيك لابد أحسنلك !!!!!!!
أبو رستم: يا حوينتك يا نهر البارد !!! لا تقشروا بيقشر لحالو الدّرّاق !!!